Քարե դիզայն-մարտկոցներ Cinier
Cinier էլիտար մարտկոցների էքսկլյուզիվ ներկայացուցիչը Հայաստանում՝ Եվրոթերմ ընկերությունը, 2014թ-ի հունիսի 20-ին ներկայացրեց քարե դիզայն-մարտկոցների, չորանոցների, լուսատուների և թուջե մարտկոցների յուրահատուկ հավաքածուն:
Cinier մարտկոցների ներկայացումն ու ցուցասրահի բացումը միասին անցկացրեցին Եվրոթերմ ընկերության գործադիր տնօրեն Մերի Ղազարյանը և Սինյե ընկերության վաճառքի մենեջեր Ստեֆան Սինյեն՝ ընկերության հիմնադիր Միշել Սինյեի որդին:
Միջոցառումն անցավ ըստ ֆրանսիական լավագույն ավանդույթների՝ հաճելի երաժշտության ներքո, գինիների և լավագույն պանրի խորտիկների համտեսով, իսկ միջոցառման ամենավառ իրադարձություններից մեկը դարձավ ավազե շոուն:
Բնական քարից դիզայն-մարտկոցներ արտադրող Cinier ընկերությունը մասնագիտացված է էքսկլյուզիվ իրերի պատրաստման մեջ: Որպես հիմնական հումք օգտագործվում է պիրենեյան բնական սպիտակ քար Olycale-ը, որն օժտված է բարձր ջերմատվությամբ և հավասարաչափ տաքության բաշխման և արձակման հատկություններով, ինչն ապահովում է էնէրգիայի չնչին կորուստ և վնասակար նյութերի արտազատման բացակայություն:
Քարե դիզայն-մարտկոցները պողպատի, թուջի և ալյումինի իրական փոխարինողն են: Բացի մարտկոցներից, Cinier-ն առաջարկում է նաև ֆանկոյլներ՝ պաննոյի տեսքով և արդիական մինիմալիստական ոճով: Ֆանկոյլի յուրաքանյուր մոդելն ունի էքսկլյուզիվ դիզայն և ընտրվում է հաշվի առնելով կոնկրետ ինտերիերի առանձնահատկությունները:
2002թ-ին ընկերությունն արժանացել է «Օսկար» մրցանակի նորագույն տեխնոլոգիաների ոլորտում՝ Cinier Olycale քարե մարտկոցների համար:
Givenchy-ի նկարիչ և դիզայներ Ժոան Սինյեն նույնպես միացել է ընտանեկան բիզնեսին:
Cinier-ի գլխավոր դիզայներներ Միշելն ու Ժոանն իրենց ամբողջ ոգին են ներդնում յուրաքանչյուր սարքի ստեղծման գործընթացում՝ դարձնելով այն եզակի, դա է պատճառը, որ ջեռուցման սարքերը, որոնք ավելի նման են արդի արվեստի նմուշների, կարող են ոչ միայն ջերմացնել, այլ նաև զարդարել ինտերիերը:
